كيفية تحضير عجينة الفيلو لصنع البقلاوة

السلام عليكم ورحمة الله تعالى و بركاته
حبيباتي اليوم راح نحط كيفية صنع او تحضير عجينة الفيلو و هي ساهلة اذا تحلينا بالصبر
و عملنا باتقان

المكونات :
1 _ للعجين :
4 كيلات فرينة
نصف كيلة سمن (مزيج بين السمن و مرغرين التوريق بالتساوي)
قرصة ملح
ماء وماء الزهر
نشاءالذرى

2 _ الحشو :
كيلو ونص لوز مرحي متوسط
سمن ذائب
قرفة
شوي ماء زهر

التزيين :
عسل للسقي و بيستاش للتزيين

التحضير :
نبداو بالعجين نبسس الفرينة بالسمن و نبلها بالماء وماء الزهر حتى نتحصل على عجينة متماسكة نقسمها ل 12 كرية نغطيها ببلاستيك و نتركها ترتاح

ثم نحل بالوحدة ونذر النشاء ونحط فوقها الاخرى و دائما نذر النشاء وكي نكملوهم كامل نبدى نحلهم مع بعض

 

و من بعد نقسم العجينة على 2
بحيث تكون عنا 12 طبقة من التحت و 12 من الفوق
ونفرش الطبقات انتاع التحت في صينية مدهونة بالسمن ونحط فوقهم الحشو انتاعنا
ثم نغطي بالباقي نقطعها مربعات ثم نسقيها بالسمن الذايب و ندخلها الفرن مسخن مسبقا

 

 

وهذا شكلها بعد الطياب غير نخرجوها من الفرن نسقوها بالعسل المحلول بشوي ماء زهر

 

ومن بعد نزينوها بالبيستاش المرحي خشين

 

 

و يستحسن تقطيعها في اليوم الموالي
نحط الحبات في لي كيسات ونقدمها
ربي يدوم افراح الجميع يا رب

• غرد تغريدة
• شاركه
• شاركه
• شاركه
• شاركه

إشترك بالنشرة البريدية